Көпшілікке таныс жағдай: үйде отырып тақырыпты толық меңгердіңіз, сұрақтарға еркін жауап бердіңіз. Бірақ емтихан басталған сәтте кей ақпараттар есіңізге түспей қалады. Бұл білімнің жоғалып кеткенін білдірмейді. Психологтардың айтуынша, емтихан кезіндегі қатты қобалжу мен стресс мидың жұмыс істеуіне әсер етеді. Ағза қауіп сезінген кезде стресс гормоны – кортизолдың деңгейі артады. Соның салдарынан есте сақталған ақпаратты еске түсіру қиындайды. Зерттеулер көрсеткендей, шамадан тыс қобалжу зейіннің төмендеуіне және ойды жинақтаудың қиындауына әкеледі. Сондықтан кей оқушылар қарапайым сұрақтардың өзіне жауап беруде қиналып жатады. Мамандар емтихан алдында материалды бірнеше рет қайталап, жеткілікті ұйықтауға және өзіне сенімді болуға кеңес береді. Терең тыныс алу жаттығулары мен жағымды ойлар да қобалжуды азайтуға көмектеседі. Есіңізде болсын: емтихан кезінде ақпараттың уақытша есіңізге түспеуі – білімсіздіктің белгісі емес. Көп жағдайда оған себеп болатын нәрсе – стресс пен шамадан тыс уайым. Қызықты факт: Адам миы күйзеліс жағдайында емес, тыныш және сенімді күйде ақпаратты әлдеқайда жақсы еске түсіреді.